Duket se ndeshja mes Shqipërisë dhe Italisë nuk ka përfunduar pa probleme, teksa një ngjarje e rëndë është regjistruar në Gjermani, ku një i ri shqiptar është plagosur me armë zjarri.
Mediat gjermane shkruajnë se ngjarja dyshohet se ka ndodhur për shkak të një konflikti që kishte lidhje pikërisht me sfidën Itali-Shqipëri, e cila përfundoi me rezultatin 2-1.
Incidenti ndodhi në rrethin e Moabit, ndërsa i plagosur me armë mbeti një 23-vjeçar, i cili mori një goditje në këmbë.
Autori, i cili ende është në kërkim ka qëlluar me 6 plumba.
