Në më pak se 1 orë, Shqipëria do të përballet me Italinë, në sfidën e parë të rrugëtimit të tyre në Euro 2024.
Mirëpo, pavarësisht se sfida fillon në orën 21:00 tifozët janë akomoduar në ndenjëset e tyre, duke dhuruar një pamje emocionuese për sytë e çdo shqiptari, me shkallët e arenës mitike gjerman, “Signal Iduna Park”, e cila është e gjitha e “ngjyros” me ngjyrat “kuqezi”, teksa të jep ndjesinë sikur po luajmë në shtëpi.
Tashmë gjithçka mbetet është që djemtë tanë të na dhurojnë një performancë magjike, e pse jo edhe ndonjë pikë, për të mbajtur gjallë e një rrugëtimi fantasik, në Kampionatin Evropian, gjë e cila do të mbahej mend gjatë në historinë e futbollit shqiptar.
