Pasi u mor për tre orë në pyetje, presidenti i PL-së, Ilir Meta ka dalë nga ambientet e SPAK.
Në një prononcim të shkurtër për gazetarët, Meta hodhi akuza mbi SPAK dhe kreun e tij Altin Dumani.
“Ju e dini që SPAK është kthyer falë Dum Dumanit në një parti bashkëqeverisëse e Edi Ramës. Unë jam pyetur 3 orë kot më kot, që kanë të bëjnë të tjerët. U pyeta në cilësinë e kundërshtarit të këtij narko shtetit që e mban në këmbë Dum Dumani, që në vend që të hetojë McGonigal dhe të ndalojë Edi Ramën dhe inceneratorët dhe Portin e Durrësit, merret me laraskat dhe përrallat e tij. Tani po iki se kam tryezën, kam sipërmarrjen. Këtë do Dum Dumani. Që mos të merremi me gjë ne, këtë detyrë i ka caktuar Edi Rama Dum Dumanit”, tha Meta.
Insistimit të gazetarëve, Meta iu përgjigj: “Jam pyetur si kundërshtar i narko-regjimit, që kërkon të mbahet me Dum Dumanin tuaj. Dum Dumani që bën të gjitha ato akte kriminale kundër opozitës për të shpëtuar Edi Ramën”.
