Tirana ka nisur afrimet duke prezantuar sot emrin e parë. Më saktësisht është një rikthim për bardheblutë, pasi bëhet fjalë për një lojtar i cili u largua prej tyre vetëm një vit më parë.
Aldi Gjumsi, sulmuesi i cili la ekipin për të gjetur më shumë hapësira në verën e kaluar, tanimë është përsëri pjesë e ekipit kryeqytetas.
Eksperienca te Teuta fillimisht dhe Liria në Kosovë më pas, nuk shkoi siç mendonte lojtari i cili është bërë përsëri pjesë e ekipit ku u bë një emër i njohur në Superiore.
“Klubi i Futbollit Tirana njofton afrimin e parë të merkatos së verës, duke rikthyer në shtëpi sulmuesin Aldi Gjumsi!
Sulmuesi 22-vjeçar do të jetë zyrtarisht futbollisti më i ri bardh’ e blu, duke u rikthyer aty ku hodhi hapat e parë si futbollist.
Klubi i uron mirëseardhje Gjumsit dhe sa më shumë suksese me fanellën bardh’ e blu!”, shkruhej në njoftimin e Tiranës.
View this post on Instagram
