Kryetari i PBDNJ-së, Vangjel Dule e ka quajtur barbari burgosjen e Kryetari të zgjedhur të Himarës dhe njëherazi eurodeputetit Fredi Beleri për 13 muaj.
Në studion e Çim Peka Live, Dule debatoi me analistin Lorenc Vangjeli, duke e akuzuar se po bëjnë avokatinë e autokracisë së Edi Ramës për të siguruar privilegje.
Lorenc Vangjeli: Nuk ka pika takime kjo që ka ndodhur dje me historinë e lavdishme qoftë me rezistencën ndaj otomanëve qoftë ndaj komunistëve. Sado e ligë apo e papranueshme të jetë kjo qeverisje e sotme apo e djeshme unë këtë se pranoj. Nuk ka lidhje as me osmanët si pushtues…
Vangjel Dule: Kjo është më e keqe dhe ju në këtë rast bëheni ajo kategori…Ju jeni në favor të barbarisë që po bëhet ndaj zotit Beleri, 13 muaj burg faktik sepse ka guxuar të fitojë zgjedhjet në Bashkinë e Himarës…Jo nuk ulem në një tavolinë të tillë nqs ndani mendime të tilla.
Lorenc Vangjeli: Qëndro në tavolinë dhe mbase mund të shohësh se kjo tavolinë është e rrumbullakët dhe nuk ka cepa…
Vangjel Dule: Po si? Që më thoni, se ai regjim të paktën të thoshte që deri këtu nuk të lejohet më tej por jo në një regjim që pretendohet demokratik futet në burg kryetari i zgjedhur me votë demokratike. Do diskutojmë ‘abc’-në e demokracisë tani?
Lorenc Vangjeli: Nuk krahasohet me regjimin komunist e as me pushtuesit otomanë…
Vangjel Dule: Kjo është barbari më e madhe. 13 muaj në burg një njeri i pafajshëm. Ju nuk prekeni nga ana njerëzore dhe humane dhe më thoni që kjo nuk është e rëndë. Bëheni avokati e autokracisë për të garantuar privilegjet tuaja. Lërëni këtë avokati, distancohuni…Po bëheni bishti i Edi Ramës dhe praktikave autoritare.
Loren Vangjeli: Po e them sërish. Kjo është e tepërt sepse nuk ka asnjë lidhje…
Vangjel Dule: Po mos gjykoni se çfarë është e tepërt dhe çfarë është e pakët, thoni mendimin tuaj, ngelët duke gjykuar të tjerët çfarë thonë…
