NënKryetari i Këshillit Bashkiak Tiranë, Dorjan Teliti, i bën thirrje qytetarëve të Kryeqytetit ti bashkohen protestës së ditës së nesërme para Bashkisë Tiranë për të kërkuar dorëheqjen e shefit politik të 5D & inceneratorit fantazëm, Kryebashkiakut Veliaj që në vend që të përballet me qytetarët dhe opozitën rrethohet nga skafandrat policore.
Postimi i plotë:
Protesto nesër për një bashki të qytetarëve!
Protesto për një bashki që shërben e jo që rrethohet me gardhe policore e kyçet me zinxhirë korrupsioni.
Protesto për taksat e rritura që gllabërohen cdo ditë nga pushteti dhe drejtorët e tij.
Protesto për biznesin që listat e borxheve shton, ndërkohë që falimenti u troket cdo ditë që kalon.
Protesto për cerdhet e kopshtet që i mungojnë kryeqytetit, ndonëse 50 milionë euro kemi paguar vetëm për taksën “gjoja të përkohshme” të infrastrukturës arsimore.
Protesto për hapësirat që zhduken dhe kullat që mbijnë si kërpudhat, duke na marrë frymën në Tiranën 18 herë më të ndotur se normat e lejuara të OBSH-së.
Protesto për zhulin që shtresë zë rrugëve të Tiranës dhe makinat larëse të rrugëve janë thjesht kujtim i së kaluarës.
Protesto për 132 milionë eurot e zhdukura nga inceneratori fantazëm i Tiranës.
Protesto për abuzimet me pronën publike dhe private vetëm e vetëm si e si tu jepen miqve për zhvillim e përfitim të ngushtë personal.
Protestoni qytetare nesër në 11.00 para bashkisë, protestoni bashkë me ne ndaj arrogancës së pushtetit që nuk njeh ligj por qeveris me “maliq”.
Të gjithë bashkë do ja dalim, Tirana do i kthehet qytetarëve.
