Kryetari i zgjedhur i Bashkisë së Himarës, Fredi Beleri, ka folur nga burgu për radion greke SKAI ku është shprehur se qëllimi i tij, është që të mbrojë të drejtat e minoritetit në Shqipëri.
Beleri deklaroi se “nëse zgjidhet eurodeputet do bëj të njëjtën gjë, do mbroj të drejtat e minoritetit, por nga një pozicion tjetër”.
Gjithashtu, Beleri shpreh se regjimi i Ramës e ndaloi me procedura të paprecedentë.
Duke iu përgjigjur pyetjes se çfarë do të ndodhë nëse ai zgjidhet eurodeputet, ai vuri në dukje se “nuk ka asnjë dispozitë përkatëse në ligjin shqiptar”. Beleri shprehet se “gjykata e apelit pritet që të ulë dënimin”. Në çdo rast, theksoi ai, nëse dënimi mbetet i njëjtë, ai do të lirohet deri në fund të shtatorit.
Beleri vlerësoi se çështja e tij do të shkojë deri në fund, duke thënë se “nuk e sheh Rama të ketë oreks për negociata”.
