Për herë të parë Shqipëria e vajzave në futboll do mund të luajë në play-off e “Euro 2025” që do zhvillohet në Zvicër, duke kërkur një vend në finalet e vitit që vjen.
Vajzat kuqezi mundën pastër 3-1 Luksemburgun, në ndeshjen e luajtur pasditen e sotme në “Elbasan Arena”.
Doçi zhbllokoi llogaritë nga pika e bardhë e penalltisë në minutën e 29-të, duke i dhuruar qetësinë e duhur skuadrës.
Krasniqi “vulosi” suksesin, me golin e saj në të 45-tën. Në minutën e 46-të, Berisha thelloi shifrat. Kremer ngushtoi shifrat në fund, por pa mundur dot të ndryshojë fatin e takimit.
Shqipëria renditet në vendin e parë (9 pikë) në grupin C5. Luksemburgu pozicionohet në vendin e dytë, me vetëm 3 pikë të grumbulluara.
