Janë zbardhur detaje të reja nga ngjarja e rëndë e regjistruar në Vaqarr, ku një grua 36-vjeçare tentoi vetëvrasjen duke konsumuar fotoksinë, pas dhunës së vazhdueshme të bashkëshortit të saj, i cili ushtronte dhunë si ndaj saj, por edhe ndaj vajzës së tyre.
Policia vuri në pranga bashkëshortin e saj, shtetasin Gentjan Liçaj, 47 vjeç, i cili akuzohet se ka konsumuar elemente të veprave penale “Shkaktimi i vetëvrasjes” dhe “Dhuna në familje”.
Mësohet se shkaku i konfliktit në familje ishte vajza 18-vjeçare e çiftit, të cilën 47-vjeçari kërkonte që ta fejonte pa dëshirën e saj.
Refuzimi i vajzës për t’u fejuar ka bërë që Gentjan Liçaj të ushtronte dhunë si ndaj saj, por edhe ndaj bashkëshorten, e cila ishte në përkrahje të vajzës. Konfliktet dhe dhuna e vazhdueshme në familje bënë që 36-vjeçarja në kushte të rënda psikologjike ditën e djeshme të konsumonte fotoksinë.
Pas këtij akti, 36-vjeçarja me inicialet M.L. ka shkuar në komisariat për të denoncuar dhunën e bashkëshortit. Në kohën kur po jepte deklaratën në komisariat, 36-vjeçares i ka rënë të fikët, dhe është dërguar në spital nga Policia.
Gentian Liçaj njihet si një person që vazhdimisht abuzonte me alkoolin. Ai ka tentuar t’i arratisej uniformave blu, por nuk ia ka dalë dot.
