Janë zbardhur emrat e të arrestuarve për kokainën e kapur nga policia kufitare në Portin e Durrësit.
Mësohet se në pranga janë vënë shtetasit Arjan Doçi dhe Mentor Çuni ndërkohë që po vjojnë hetimet për të implikuar të tjerë në këtë rrjet trafiku lëndësh narkotike.
Kokaine ishte e fshehur në një furgon, teksa bëhet fjalë për një sasi prej 7 kg. Lënda narkotike ishte e ndarë në 7 pako prej qese vakumi për të mos u nuhatur nga qentë e anti-drogës.
Furgoni ku u kap kokaina është me targa angleze dhe mësohet se i përket kompanisë “Bledi Trans”. Kompania në fjalë rezulton e regjistruar në Angli dhe për këtë është kërkuar bashkëpunimi me homologët atje.
Furgoni kryente rrugë të vazhdueshme në itenerarin Shqipëri-Itali-Angli dhe përgjithësisht dërgesa produktesh të ndryshme.
