Është shpallur në kërkim nga Policcia e Kosovës Enver Sekiraqa, i cili është dënuar me 25 vjet heqje lirie nga Gjykata, për vrasjen e policit Triumf Riza
Sekirapa ishte lënë në arrest shtëpie, në pritje të përfundimit të gjykimit nga Gjykata e Apelit, por pasi është njohur me vendimin, ai është larguar nga banesa, duke humbur gjurmët, edhe pse mbahej nën mbikëqyrje.
Ndërkohë avokati i Sekiraqës, Besnik Berisha, ka thënë se klienti i tij ndodhet në një spital jashtë Kosovës.
Njoftimi i policisë:
Policia e Kosovës, Drejtoria për Hetimin e Krimit të Organizuar dhe Krimeve të Renda, bazuar në ligj për publikimin e fotos me shënime tjera të personit të kërkuar më autorizimin e Gjykatës Themelore ne Prishtinë, me qëllim lokalizimin dhe rrjedhimisht arrestimin e tij, lëshon:
Kërkesë për bashkëpunim me qytetarët.
– Enver (Hamit) Sekiraqa i lindur me 18.11.1973 me adrese banimi rruga ”Gryka e Llapushnikut” numer 7 në Prishtinë.
I dënuar për veprën penale” shtytje në kryerjen e vrasjes së rendë të parashikuar nga neni 147, par 3 dhe 9 lidhur me nenin 24 të KPK-së.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor ose nga telefonia fikse dhe mobile: 192 ose 038 550 999, të gjitha thirrjet në numrin 080019999 janë anonime, pa pagesë dhe konfidenciale.
Ju mund të dërgoni informatat e juaja edhe në adresën elektronike [email protected]
