13 vite ka zgjatur arratisja e një 45-vjeçari shqiptar në Greqi, identiteti i të cilit nuk bëhet i ditur.
Mediat greke raportojnë se shqiptari i arratisur në 2011-ën nga burgu i Malandrinos, është arrestuar ditën e djeshme (18 maj).
Arrestimi i tij u bë i mundur pas një kontrolli të policisë ku iu gjetën disa dokumente të ndryshme identifikimi, por pas gjurmëve të gishtave u zbulua identiteti i tij i vërtetë.
Dyshohet se 45 vjeçari së bashku me disa shqiptarë të tjerë vepronin si një grup kriminal për kryerjen e grabitjeve, ndërsa kishin organizuar edhe tentativë për vrasje të një personi.
