Kryedemokrati Sali Berisha, gjatë fjalës së tij në tubimin qytetar, ka zbuluar skandalin e radhës së qeverisë Rama.
Sipas Berishës, Tedi Malaveci, drejtuesi aktual i Dhomës Kombëtare të Përmbaruesve Gjyqësorë, kishte akses në të dhënat e TIMS.
Berisha deklaron se aksesin në sitemin TIMS ia kishte dhënë “Balla dhe Rrumbullaku kundrejt milionave”.
Berisha shprehet më tej se Kryetarja e Kuvendit, Lindita Nikolla, ndërpreu të gjitha sinjalet televizive të medieve, kur Malaveci do të dëshmonte para komisionit hetimor të TIMS.
Lideri i opozitës deklaron se, teksa deputetëve demokratë u thuhet se nuk kanë certifikatë sigurie për të folur haptazi për këtë çështje, Malavecit i janë dorëzuar të dhënat më sekrete të shtetit shqiptar.
“Miqtë e mi, dje në Komisionin e Hetimit të TIMS-it ka ndodhur një moment që nuk e ka njohur ndonjëherë në 33 vite parlamenti shqiptar.
Dje, kur në komision u thirr krimineli, mafiozi Malaveci, shefi i përmbaruesve mizorë, që u vodhën shtëpi, katandi qytetarëve, trafikanti i damkosur i drogës, që paguan Ulsi Manjën për ta mbajtur në detyrë në kundërshtim me ligjin, i dënuar 4 vite në Holandë, i paraqitur në komision, Linda e parlamentit ndërpreu të gjitha sinjalet televizive të medieve, kur ky mafioz do të dëshmonte para komisionit.
A e dini ju sepse o miq? Sepse Malaveci i mafies ndërkombëtare, Malaveci i trafiqeve ndërkombëtare, kishte akses, kishte hyrje në shtëpinë e tij në të dhënat më sekrete të shtetit, ato të TIMS-it.
Ndërkohë, deputetëve u thuhej se nuk keni certifikatë sigurie, ndaj nuk flasin dot haptas.
Malavecit i ishin dhënë të gjitha të dhënat kundrejt drogës, kundrejt miliona eurove shpërblim nga Rrumbullaku dhe Taulant Balla në shtëpinë e tij.
Ky është shteti i krimit miq, dhe shpresa e vetme jeni ju.
Shpresa e vetme janë qytetarët në protestë.”– deklaron Berisha.
Kujtojmë se Tedi Malaveci, drejtuesi aktual i Dhomës Kombëtare të Përmbaruesve Gjyqësorë, është një përson i dënuar për trafik droge me një vit burg nga gjykata e Utrehtit.
