Pasi u mor për më shumë se dy orë në pyetje nga SPAK, kryebashkiakja e Durrësit Emirjana Sako është larguar nga ambientet e SPAK.
Në një prononcim të shkurtër për gazetarët, Sako tha se marrja në pyetje nuk kishte lidhje me detyrën e saj si kryebashkiake Durrësit.
“Paraqitja ime në SPAK nuk ka lidhje me detyrën si kryetare bashkie, do të ruaj sekretin hetimor”, tha për gazetarët Sako.
Po ashtu, Sako nuk iu përgjigj pyetjes nëse është pyetur për Inceneratorin e Tiranës.
