Pasi anëtarët e PS-së kanë kërkuar një pushim 5 minutësh dhe janë vonuar më shumë në Komisionin Hetimor për sistemin TIMS, kreu i këtij komisioni Ervin Salianji përmes një video në Facebook, deklaron se kolegët e PS-së po vonojnë punimet.
Salianji thekson se opozita ka vullnetin e plotë për t’i shkuar deri në fund kësaj çështjeje, madje duke miratuar edhe propozimet e socialistëve, por këta të fundit duhet t’i bëjnë derman vetë vetes, sepse nuk ka qenë opozita ajo që i ka përfshirë në këto afera.
“Në pritje të kolegëve të PS në Komisionin Hetimor për të dhënat e TIMS. Ata thonë se kanë pushim 5 minuta, por se pushimet e tyre zgjasin me orë. Jemi në pritje të rikthimit të tyre. Ne jemi në vullnet të plotë për të hetuar çështjen dhe madje për të votuar edhe propozimet e kolegëve të Partisë Socialiste. Këta t’i bëjnë derman vetë se nuk i kemi përfshirë ne në këto afera”, dekalron Salianji.
