Grupi Parlamentar i Partisë Socialiste zhvilloi sot mbledhjen e përjavshme.
Mesa duket Bledi Çuçi ka marrë “urdhër nga lart” që deputetët socialistë të përkushtohen më shumë gjatë turit të Edi Ramës me Diasporën, ku i radhës është në Itali, më 26 maj.
“Të gjithë kolegët që kanë lidhje personale apo elektorale të angazhohen për takimin e radhës në Milano pas dy javësh. Ju kërkoj ta merrni me shumë impenjim“, tha Çuçi.
Mbledhja vijoi më pas me diskutime për agjendën parlamentare, ku Çuçi ndau me deputetët projektligjet dhe marrëveshjet që pritet të dërgohen në seancën e ditës së enjte në Kuvend teksa përsëriti kërkesën për të mos pasur mungesa në mbledhjet e komisioneve parlamentare dhe në seancën plenare.
