Manchester City ka arritur të fitojë pa problem në transfertë ndaj Fulham me shifrat 0-4.
Pjesa e parë u mbyll me shifrat 0-1, ku ishte mbrojtësi kroat Gvadiol i cili zhbllokoi rezultatin në minutën e 13-të.
Pjesa e dytë nuk pati reagim nga Fulham, por përkundërazi, City arriti të shënonte edhe tre herë.
Në minutën e 59-të, ishte Phil Foden i cili dyfishoi rezultatin, ndërsa në të 71-tën, ishte përsëri Gvardiol i cili shënoi për shifrat 0-3.
Armando Broja u aktivizua në pjesën e dytë, konkretisht në minutën e 67-të, por nuk mund të tundte rrjetën e “Qytetarëve”.
Në fund të sfidës, City shënoi edhe golin e katt me 11 metërsh falë Julian Alvarez.
Me këtë rezultat, Manchester City kryen edhe ndeshjen e prapambetur dhe tashmë renditet në vendin e parë me 85 pikë, dy më shumë se Arsenal i vendit të dytë ndërsa kanë mbetur vetëm dy ndeshje nga mbyllja e sezonit.
