Elbasani e feston titullin kampion të Kategorisë së Parë me një fitore spektakolare.
Skuadra e drejtuar nga Nevil Dede triumfoi me përmbysje 3-2 përballë Bylisit.
Të parët që kaluan në avantazh ishin verdheblutë me anë të Grecës, por Bylis përmbysi me Peralta dhe Jefferson.
Me nisjen e pjesës së dytë, Elbasani u bë më kërkues, teksa golat e përmbysjes së madhe i gjeti me Orgest Gavën në minutën e 84’ dhe Ardit Hoxhën në të 95-tën.
Një fitore mjaft e bukur nga ‘djemtë’ e Nevil Dedes të cilët gëzojnë dyfish tifozët e tyre, duke mposhtur rivalin kryesor të këtij sezoni. Kujtojmë që si Elbasani ashtu dhe Bylisi sezonin e ardhshëm do të jenë pjesë e Kategorisë Superiore.
