Deputeti i PD-së Ervin Salianji ka komentuar zhvillimet e fundit brenda Partisë Demokratike, teksa tha se brenda muajit qershor, demokratët e mbyllin organizimin në zgjedhjeve e degëve dhe plotësimin e strukturave dhe është e gatshme për betejë elektorale.
Po ashtu, Salianji theksoi gjatë intervistës në News 24 se PD duhet të bëjë maksimumin që të hapet më shumë drejt shoqërisë dhe diasporës.
“Unë në zgjedhjet e fundit kam qenë drejtues politik në Kavajë dhe kemi arritur t’i kthejmë demokratëve atë bastion që nuk e kishim.
Sa i përket lëvizjeve të tjera, janë vendimmarrje që i takoj drejtuesve politik, kryetarit, kryesisë dhe këshillit kombëtar. Ajo që ju them është që PD brenda muajit qershor e mbyll organizimin në zgjedhjeve e degëve dhe plotësimin e strukturave dhe është e gatshme për betejë elektorale në çdo moment sa i takon aspekteve organizative. Ashtu siç është e gatshme dhe do të vijë me prezantim të plotë të programit. Ne që sot jemi gati për ta mundur Ramën.
Interesi i partive politikeve është që figura të caktuara të japin kontributin e tyre aty ku ka më shumë nevojë.
Përtej këtyre hapave, PD duhet të bëjë maksimumin të hapet më shumë drejt shoqërisë dhe padiskutim për t’i shqyer dyert drejt diasporës. Kemi kohë për ta bërë këtë”, tha Salianji.
