Vllaznia–Apolonia është finalja e madhe për titullin kampion të këtij edicioni në Kategorinë Superiore për vajza.
Ditën e sotme u zhvilluan takimet e dyta gjysmëfinale të vlefshme për “Final 4”.
Vllaznia nuk e vendosi aspak në diskutim finalen, teksa triumfoi edhe në ndeshjen e dytë të zhvilluar në “Reshit Rusi” ndaj Partizanit me rezultatin e thellë 7-0.
Në ndeshjen e parë, shkodranet kishin dalë fituese me rezultatin e pastër 0-3.
Në ndeshjen tjetër gjysmëfinale Apolonia – Tirana, që u zhvillua në ambientet e aneksit të stadiumit “Loni Papuçiu”, fieraket fituan me rezultatin 2-0 dhe siguruan finalen.
Finalja e madhe Vllaznia – Apolonia, që do të përcaktojë edhe kampionen e këtij edicioni do të luhet më 13 maj në “Shtëpinë e Futbollit”.
Gjysmëfinalet
Partizani – Vllaznia 0-3 / Vllaznia – Partizani 7-0
Tirana – Apolonia 1-1 / Apolonia – Tirana 2-0
Finalja
Vllaznia – Apolonia 13.05.2024
