Një efektiv policie ka humbur ndjenjat gjatë protestës së Bashkisë Tiranë dhe është rrëzuar përtokë.
Polici ishte në shërbim gjatë protestës, teksa një moment nuk është ndjerë mire dhe ka rënë në tokë.
Kujtojmë se edhe në protestën e së Martës (30 prill) një efektiv i FNSH-së humbi ndjenjat. Këtu vihet në pah keqtrajtimi i uniformave blu që me urdhër të Erion Veliajt janë detyruar të rrinë gardh para Bashkisë në temperatura të larta.
Në këtë protestë të 6-të para Bashkisë së Tiranës, qytetarët po kërkojnë dorëheqjen e Erion Veliaj, pas aferës “5D”, ku disa prej drejtorëve të kësaj Bashkie kishin përfituar miliona euro tendera nga kjo bashki apo institucione vartëse të saj me kompaninë e tyre “5D Konstruksion”, që sipas SPAK, pronarët “de facto” të saj ishin Mariglen Qato dhe Redi Molla.
