Bashkëshorti i Olta Xhaçkës, Artan Gaçi, është thirrur sot në SPAK.
Teksa po dilte nga Prokuroria e Posaçme, Gaçi u pyet nga gazetarët se për çfarë ishte thirrur apo nëse kishte tjetërsuar pronat në jug. Gaçi nuk ka preferuar që të japë komente, por ka vijuar të ecë duke buzëqeshur.
Prokuroria e Posaçme kundër Korrupsionit dhe Krimit të Organizuar (SPAK), i ka sekuestruar 5512 m2 truall Artan Gaçit, bashkëshortit të ish-ministres Olta Xhaçka. Mësohet se kjo sekuestro preventive është vendosur pasi po hetohet për falsifikim të aktit të marrjes së tokës në pronësi. Kjo sipërfaqe rezulton të jetë një pjesë e tokës me të cilën Artan Gaçi ka fituar statusin e investitorit strategjik.
Hetimet për këtë çështje kanë nisur nga SPAK pas kallëzimit penal të kryebashkiakut të zgjedhur të Himarës, Fredi Beleri.
Në mars të vitit 2022, Këshilli i Ministrave shpalli një vendimin për dhënien në përdorim të një zone bregdetare në Himarë për resortin “Dreamades Luxury Suites” për një periudhë 30-vjeçare. Sipas këtij vendimi, kompanisë ‘AGTTC Hotel Management’ i jepet leje e përdorimit të brigjeve të detit dhe të zonës përkatëse të plazhit përballë kompleksit, që po ndërtohet në fshatin Gjilekë të bashkisë Himarë.
Shpallja si investitor strategjik nga Këshilli i Ministrave i bashkëshortit të Ministres së Punëve të Jashtme, Olta Xhaçka në atë kohë, ngriti shqetësime për konflikt interesi.
LEXO EDHE:
