Gjysmëfinalja e parë mes Bayern Munich dhe Real Madrid nuk i ka zhgënyjer aspak pritshmëritë teksa skuadrat u ndanë në një barazim spektakolar 2-2.
Ishe cilësuar si një finale e parakohshme e Champions League dhe ashtu ndodhi në “Allianz Arena” ku nuk munguan golat, penalltitë dhe përmbysje të rezultatit.
Të parët që kanë kaluar në avantazh kanë qenë spanjollët, me Vinicius Jr që shënoi në minutën e 24-të. Në pjesën e dytë, ka qenë Bayern Munich i cili e startoi furishëm.
Goli i barazimit për gjermanët erdhi nga Leroy Sane në minutën e 53-të, ndërsa goli i përmbysjes erdhi në minutën e 57-të falë Harry Kane pas goditjes së penalltisë.
Por Real Madrid, nuk u dorëzua deri në fund, duke arritur të fitojë një penallti në minutën e 83-të. Para pikës së bardhë së penalltisë ishte Vinicius Jr, me brazilianin i cili nuk gaboi përpara portës.
Kështu, akti i parë në “Allianz Arena” së gjysmëfinales së Champions League përfundoi në barazim, ku bileta e finales do të mësohet në “Santiago Bernabeu”.
