Policia e Korçës ka arrestuar një person, të cilin e akuzon si hajdut biçikletash.
Në pranga është vënë shtetasi R. B., banues në fshatin Plasë, Maliq. Raportohet se ky i fundit është kapur në lagjen nr. 3 të qytetit juglindor, duke vjedhur biçkiletën e një shtetasi tjetër.
Policia e Korçës bën me dije se nga veprimet hetimore rezultoi se ky shtetas, javën e fundit, në lagjet nr. 10 dhe nr. 18, Korçë, ka vjedhur edhe 3 biçikleta të tjera, në pronësi të shtetasve të ndryshëm.
Uniformat blu kanë sekuestruar në cilësinë e provës materiale tre biçikleta dhe një palë pinca, të cilat shtetasi R. B. i përdorte për të prerë kavot e sigurisë të biçikletave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
