Nga pakti Rama-Meloni te masa e arrestit shtëpiak, Berisha flet për mediat italiane

Ish-kryeministri, Sali Berisha ka zhvilluar një intervistë për mediat italiane lidhur me zhvillimet e fundit politike në vendin tonë. Për Rai 3, Berisha ka komentuar artikullin e publikuar një ditë më parë për paktin Rama-Meloni, për strehimin e emigrantëve në vendin tonë.

Dokumentari ngriti shqetësimin se milionat e hedhura nga qeveria italiane mund të shkojnë dëm pasi nëse opozita vjen në pushtet ajo nuk do ta rinovojë marrëveshjen pas 5 vitesh kur edhe skadon. Lidhur me këtë Berisha u shpreh se e ka kundërshtuar këtë marrëveshje, dhe do vazhdojë të mbajë të njëjtin qëndrim.

“E kam kundërshtuar këtë marrëveshje për problemin e të drejtave të njeriut. Nuk mund të pranosh që policë shqiptarë apo italianë janë gardianë të të drejtave të njeriut. Jo. Këto kampe duhet të ishin mbikëqyrur nga parlamentar, nga OKB-ja… Qeveria ime nuk do ta pranojë këtë marrëveshje. Ndoshta qeveria italiane nuk është e lumtur me këtë, por kjo duhet sqaruar” – thotë Berisha.

Ndërkohë i pyetur në lidhje me masën e arrestit të vendosur ndaj tij, Berisha u shpreh se nuk akuzohet për korrupsion ashtu siç është raportuar gjerësisht në media, por është vënë nën hetim për arsye politike.

“Po. Jam në një arrest shtëpie për proces totalisht politik. Unë nuk jam i akuzuar për korrupsion, por jam vënë nën hetim, por për arsye politike, për frikën që Edi Rama ka nga rikthimi Sali Berishës dhe që ka adoptuar këto masa”,- tha ndër të tjera Berisha.

Intervista e plotë: