Tirana ka arritur të marrë një fitore mjaft të rëndësishme këtë të premte, ku ka triumfuar me rezultatin 0-2 përballë Erzenit në javën e 32-të të kampionatit. Bardheblutë shënuan nga një gol për çdo fraksion loje.
Fillimisht ishte Kristal Abazaj, i cili nuk gaboi nga pika e bardhë e penalltisë në minutën e ’19 të takimit, pasi mbrojtësit shijakas kapën topin me dorë në zonë. Kështu pjesa e parë u mbyll me avantazhin e bardhebluve.
Në minutën e 54’ Erzeni pati shansin për të barazuar shifrat, pasi Agim Zeka fitoi një 11-metërsh, pas një faulli nga Hoxhallari. Por, Kahrimanoviç gaboi nga pika e bardhë, pasi gjuajtja e tij u prit nga Kozi.
Ndërkohë, në minutën e ’60, pas një asist nga Patrik, Jonuzi dyfishoi shihfrat duke shënuar një supergol nga distanca.
Pas kësaj ndeshje, Tirana ngjitet në kuotën e 46 pikëve, po aq sa Dinamo e vendit të katër, e cila nesër luan përballë Partizanit, ndërkohë ndiqen me 44 pikë nga Skënderbeu që fitoi në Kukës.
