Një ngjarje e rëndë është regjistruar mbrëmjen e kësaj të hëne në fshatin Eçmenik të Devollit.
Autoritetet policore raportojnë se një i moshuar është gjetur i pajetë, dyshohet i vetëmbytur, në një pus me ujë. Viktima është shtetasi N. Ll., 83 vjeç, banues në fshatin Eçmenik.
Sipas Policisë, nga të dhënat e para dhe deklarimet e marra familjarëve të tij, rezulton se i moshuari vuante nga probleme të shëndetit mendor dhe ishte larguar nga banesa, ditën e sotme.
Grupi hetimor po punon për sqarimin e rrethanave të ngjarjes.
