Personi që shihni në foton e mësipërme është 29-vjeçari Erind Lubishta, i cili mëngjesin e kësaj të premte tentoi të grabiste një pikë këmbimi valutor në qytetin e Durrësit.
Në foto është momenti kur ai është arrestuar nga Policia, teksa kishte me vete edhe pistoletën lodër, që përdori gjatë tentativës së grabitjes.
Ngjarja ndodhi në lagjen nr.1 të qytetit bregdetar në shëtitoren “Taulantia”, teksa i riu ishte maskuar me kapuç. Ai iu drejtua pikës së kembimit valutor, por punonjësit e panë që ishte i armatosur dhe nuk kanë hapur derën që është elektonike. Pasi dera nuk ju hap, ai u largua me shpejtësi.
