Deputeti i PD-së, Asllan Dogjani ka denoncuar një tjetër skandal të Ervin Muçës, i cili akuzohet si personi që ka ndërhyrë në sistemin TIMS të Policisë së Shtetit dhe ka eksportuar të dhënat e paautorizuara.
Gjatë fjalës në komisionin hetimor parlamentar për TIMS-in, Dogjani u shpreh se një punonjës i AKSH, gjatë kohës që Muça punonte në këtë institucion, e ka kallëzuar në Prokurori, se ka përdorur të dhënat e tij për të transferuar 1 milionë euro në një kompani.
Sipas Dogjanit, Ervin Muça mund të jetë agjent i shërbimeve të huaja dhe ka marrë të dhënat e qytetarëve për t’i përdorur kundër Shqipërisë.
Dogjani: Kam dhe një informacion tjetër për këtë Muçën, që në kohën që ja qenë te AKSH, një punonjës i tij e ka kallëzuar sepse ka përdorur të dhënat e tij për të transferuar 1 milionë euro te një kompani.
Pasi është zbuluar, është marrë në pyetje punonjësi, dhe ka thënë se nuk di gjë. Më pas ai ka bërë kallëzim, dhe është larguar nga puna.
Ky (Ervin Muça) mund të jetë një agjent i shërbimeve të huaja që merr të dhënat e qytetarëve dhe mund t’i përdorë kundër Shqipërisë.
Dhe ndaj e kemi kërkuar si dëshmitar. Do kërkoja të shtrijmë hetimin se mund të jetë agjent i shërbimeve të huaja, ai ka bërë tradhti kombëtare.
