BE dhe BERZH do të mbështesin me 40 mln euro zhvillimin e turizmit në 4 bashki, Fier, Korçë, Shkodër dhe Berat. Ambasadorja e BE, Romana Vlahutin, bëri thirrje që më e rëndësishme se çmimi i shërbimeve është siguria e konsumatorit. Ndërsa Ministri Klosi kërkoi nga bizneset që të ofrojnë më shumë shërbime cilësore.
Sipërmarrjet në fushën e turizmit në qytetin e Fierit, Korçës, Shkodrës dhe Berati do të kenë mundësi të përfitojnë nga fondi prej 40 mln euro që financohet nga BE dhe BERZH.
Në fazen e parë do të shpenzohen 20 mln euro për asistencë përsa i përket infrastrukturës, rrugëve, shërbimeve në këto 4 bashki.
Për shefen e delegacionit të BE-së, Romana Vlahutin, sfidat për biznesin në Shqipëri janë çështja e pronësisë dhe siguria e konsumatorit.
“Ne do të investojmë bashkë me BERZH 40mln euro. Në fazen e parë pilot investimi do të jetë 20mln euro. Ndermarjet e vogla dhe të mesme janë të rëndësishme pasi mund të konkurojnë me tregje mjaft te zhvilluar. Një ndër sfidat është çështja e pronësisë pa zgjidhjen e te ciles nuk ka zhvillim dhe siguria e konsumatori. Shqipëria ka potencial të zhvillojë turizmin nga janari në dhjetor”,- u shpreh Vlahutin.
Ministri i Turizmit dhe Mjedisit, Blendi Klosi, theksoi se sektori i turizmit ka nevojë për më shumë shërbim cilësor që të dalë nga adoleshenca aventureske.
“Katër janë polet që ne duam të zhvillojmë sa i përket turizmit, Tirana si kryeqytet, Alpet si një destinacion unik i zhvillimit të turizmit në Shqipëri, Marina e bregdetit Adriatik dhe jugu i ri si një pol që mund të mbajë mbi vete zhvillimin e turizmit elitar”,- tha ministri Klosi.
Ashtu si Ministri Klosi edhe Ambasadorja Vlahutin u shprehen se krahas zhvillimit të turizmit duhet të tregohet kujdes me mbrojtjen e mjedisit.
Gjithashtu në këtë takim edhe përfaqëuesit e biznesit kërkuan më shumë vëmendje nga Ministria dhe përfaqësuesit e BE dhe BERZH.
