Avokati, Genc Gjokutaj ka folur ditën e sotme lidhur me vazhdimin e mbajtjes së Berishës dhe Malltezit në arrest shtëpie pa prova.
Gjatë konferencës së shtypit të Argita Malltezi dhe ekipit të përfaqësuesve ligjorë të Berishës Gjokutaj ka argumentuar pse ky proces është politik dhe i drejtuar posaçërisht nga Edi Rama.
Gjokutaj: “Po ti qëndrosh arsyetimit të SPAK-ut në bashkëpunim me GJKKO, afërmendsh që gjykata bën çfarë i thotë SPAK dhe po për këtë arsye, afërmendsh që procesi është politik.
Po afërmendsh sipas arsyetimit të tyre, por jashtë çdo lloj logjike dhe ligji, ky proces është politik dhe i drejtuar posaçërisht nga Edi Rama.
Më lejoni të them që vendimi i masës së sigurimit të liderit Berisha është zgjatim i vendimit të mëparshëm me po këtë objekt – zëvendësimin e detyrimit me paraqitje dhe ndalimin e daljes jashtë shtetit, pasi ai vendim i parë pasohet nga ky i dyti sepse ato janë në sinkron me njëra- tjetrën. Është Kushtetuta e shkelur ajo që i lidh pazgjidhshmërisht këto dy vendime, sepse ishte detyrë e Gjykatës së Lartë, herën e parë që të konstatonte antikushtetueshmërinë dhe çdo akti i pavlefshëm dhe çdo akt tjetër që mbështetet mbi këtë pavlefshmëri, është i pavlefshëm.
Imagjinoni dy trupa gjykuese të Gjykatës së Lartë si gjykatë ligji jo si gjykatë fakti, nuk e konstatojnë këtë. Mendoni ju që ata nuk e kanë kapacitetin?!”
LEXO EDHE:
Zgjatja e hetimeve për Berishën, Malltezi: Qëllim, djegia e mandatit!
