Kryebashkiaku i Tropojës, Rexh Byberi, u paraqit paraditen e kësaj të enjte në Prokurorinë e Posaçme (SPAK).
Byberi qëndori në ambientet e SPAK për rreth 40 minuta.
Pas daljes nga SPAK, Byberi refuzoi të jepte shpjegime përse u thirr në Prokurorinë e Posaçme.
I pyetur nga gazetarët nëse është thirrur për çështjen “Mc Gonigal”, Byberi e hodhi poshtë teksa u shpreh se u thirr për një tjetër hetim duke refuzuar të prononcohet më tepër.
Sakaq kujtojmë se kryebashkiaku i Tropojës është denoncuar më herët për shpërdorim detyre dhe favorizime me tenderët.
