Një operacion antidrogë është zhvilluar paralelisht në Shqipëri, Itali dhe Gjermani. Në kuadër të këtij operacioni janë arrestuar 13 shtetas, ku 3 prej tyre u arrestuan në Vlorë.
Landi Kalemaj, Floriant Muho dhe Ledjon Muho janë arrestuar në Vlorë për llogari të Italisë. Nuk dihen ende identietet apo shtetësia e të arrestuarve të tjerë.
Nga pamjet e publikuara nga autoritetet italiane shihet momenti kur gjatë arrestimit të narkotrafikantëve në Itali, antimafia gjen sasi të konsiderueshme parash të futura në çorape, si dhe kokainë brenda një pjate në mikrovalë.
Krahas trafikut të kokainës organizata mundi të furnizohej edhe me sasi të konsiderueshme marijuane.
Banda shqiptare akuzohet se bënte trafik droge Gjermani-Itali dhe është mbajtur nën monitorim gjatë transportit të lëndëve narkotike.
