Në Komisionin për Çështjet Sociale dhe Shëndetësisë, kryetarja Albana Vokshi ka ngritur shqetësimin për mosfunksionimin e urgjencës në QSUT prej 2 muajsh, që pas zjarrit që përfshiu katin 0 të spitalit.
Vokshi tha ministrja e Shëndetësisë, Albana Koçiu, duhet të përgjigjet në lidhje me një denoncim që ajo ka marrë nga një qytetar se në QSUT të premten në mëngjes kanë ikur dritat për dy orë dhe për pasojë kanë ndërruar jetë 4 pacientë.
“Ngjarje e rëndë në QSUT. Sipas këtij informacioni një punonjës që punon në QSUT kanë ikur dritat për më shumë se dy orë. Sipas këtij punonjësi ka pasur 4 të sëmurë që kanë humbur jetën, gjatë periudhës që kanë ikur dritat, pasi kanë qenë të intubuar, nuk ka funksionuar linja backup.
Nëse ky informacion është i vërtetë do të ishte një skandal shumë i madh. Një spital si QSUT a mund të rri pa drita. A është e vërtetë që të premten në mëngjes duke u gdhirë kanë ikur dritat? Pse s’ka punuar gjeneratori? Ku janë dërguar pacientët?”– tha Vokshi.
