Një 22-vjeçar është proceduar penalisht nga Policia pasi akuzohet për zjarrvënie të qëllimshme.
Policia sqaron se procedimi ka nisur për shtetasin me iniciale A.K, pasi ka ndezur zjarr në vendin e quajtur “Dushku i Kuq”, dhe si pasojë e përhapjes së flakëve u dogj një sipërfaqe toke me pyje e bimësi.
“Si rezultat i punës hetimore dhe veprimeve të shpejta në vendngjarje, për identifikimin dhe nxjerrjen përpara përgjegjësisë penale, të autorëve të zjarrvënieve, specialistët për Hetimin e Krimeve të Stacionit të Policisë Klos, referuan materialet në Prokurori ku nisi procedimi penal në gjendje të lirë për shtetasin A. K., 22 vjeç, banues në fshatin Plani i Bardhë, Klos”, njofton policia.
Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Dibër, për veprime të mëtejshme.
