Një aksident me pasojë vdekjen ka ndodhur paraditen e kësaj të diele në Velipojë. Një shofer ka përplasur me makinë një 77 vjeçar, i cili po lëvizte me biçikletë e për pasojë ka humbur jetën.
Ende nuk dihen shkaqet dhe rrethanat e ngjarjes, sakaq policia njofton se drejtuesi i automjetit është shoqëruar në Komisariat, nga shërbimet e Policisë, për veprime të mëtejshme.
“Rreth orës 10:15, në Velipojë, dyshohet se automjeti me drejtues shtetasin M. B. ka aksidentuar shtetasin K. U., rreth 77 vjeç, (I cili po lëvizte me biçikletë), i cili për pasojë ka humbur jetën. Drejtuesi i automjetit, shtetasi M. B., është shoqëruar në Komisariat, nga shërbimet e Policisë, për veprime të mëtejshme”,- thuhet në njoftim.
Grupi hetimor po punon për sqarimin e plotë të rrethanave të aksidentit.
