Gjermania do të legalizojë pjesërisht kanabisin duke filluar që të hënën dhe duke zbatuar një premtim kryesor të qeverisë së koalicionit të kancelarit Olaf Scholz. Megjithatë, qasja në këtë bar mjekësor nuk do të jetë e drejtpërdrejtë.
Këtu është një përmbledhje e rregullave të reja:
Nga 1 prilli, do të jetë e ligjshme mbajtja e deri në 25 gram kanabis të tharë për përdorim personal. Gjithashtu do të lejohet kultivimi në shtëpi, me një limit deri në tre bimë për të rritur dhe 50 gram kanabis të tharë.
Megjithatë, do të mbetet e ndaluar pirja e drogës brenda një rrezeje 100 metrash nga shkollat, kopshtet, këndet e lojërave dhe objektet sportive publike.
Pirja e duhanit do të ndalohet edhe në zonat e këmbësorëve nga ora 7:00 deri në 20:00.
‘Klubet e kanabisit’
Nga 1 korriku, Gjermania po planifikon të krijojë shoqata të rregulluara të kultivimit të kanabisit për t’u mundësuar njerëzve që ta marrin barin legalisht.
Këto të ashtuquajtura klube kanabisi do të kenë deri në 500 anëtarë secila dhe do të mund të shesin maksimumi 50 gramë kanabis të tharë në muaj për secilin anëtar.
Të rriturit nën 21 vjeç do të kufizohen në 30 gram kanabis në muaj që përmban jo më shumë se 10 për qind të substancës psikoaktive tetrahidrokanabinol (THC).
Takimi dhe konsumimi i kanabisit në klube nuk do të lejohen dhe anëtarësimi do të kufizohet në një klub në të njëjtën kohë.
Jo turistëve
Mënyra e vetme ligjore për të marrë kanabis do të jetë ose kultivimi i tij në shtëpi ose marrja e tij përmes klubeve të kanabisit, me të dyja opsionet të kufizuara për njerëzit që kanë banuar në Gjermani për të paktën gjashtë muaj.
Kufizimet synojnë të zbusin frikën nga partitë opozitare, veçanërisht aleanca konservatore CDU-CSU, se ligji i ri mund të inkurajojë “turizmin e drogës”.
Qeveria e socialdemokratëve të Scholz-it, të Gjelbërve dhe FDP pro-biznesit fillimisht ishin zotuar të shkonin më tej dhe të lejonin shitjen e kanabisit në dyqane, një veprim që u rrëzua nga BE-ja.
Një ligj i dytë është tani në përgatitje për të provuar shitjen e barit në dyqane ose farmaci në rajone të caktuara.
Kritika
Qeveria këmbëngul se ligji i ri do të reduktojë rreziqet shëndetësore që lidhen me kanabisin, sepse ai do të trajtojë problemin e substancave të kontaminuara në tregun e zi.
Por ligji është kritikuar gjerësisht nga shoqatat mjekësore dhe grupet shëndetësore.
Ai ka nxitur gjithashtu në ankesa nga autoritetet rajonale, të ngarkuara me mbikëqyrjen e zbatimit të tij. Ato kanë frikë se do të jenë të ngarkuar me burokraci shtesë, sepse do t’u duhet të anulojnë dënimet me burg dhe gjobat e vendosura për vepra që nuk janë më të dënueshme sipas ligjit të ri.
Friedrich Merz, lideri i konservatorëve të opozitës, ka paralajmëruar tashmë se nëse partia e tij do të kthehej në pushtet pas zgjedhjeve të vitit 2025, ajo do të “anulonte menjëherë ligjin”.
