Mbledhja e Këshillit Bashkiak të Himarës për zgjedhjen e kryebashkiakut të ri të komanduar ka nisur me tensione.
Qytetarët që po ndjekin mbledhjen kanë kundërshtuar praninë në mbledhje të prefektit të Vlorës Vangjel Tavon si dhe drejtuesin e PS-së Blendi Klosin.
Pas përplasjeve të policisë me qyetarët dhe ofendimeve drejtuar krerëve socialistë ka detyruar shtyrjen me një orë të mbledhjes së Këshillit Bashkiak.
Këshilli Bashkiak i Himarës do të vendosë me votë se cili prej dy nënkryetarëve, Pervin Gjikuria apo Blerina Bala do të drejtojë bashkinë Himarë deri në zgjedhjet e reja.
Pas dorëheqjes nga burgu rë Jorgo Goros nga posti kryebashkiakut në detyrë të Himarës, vendi ka mbetur vakant dhe pa drejtues. Përpos Jorgo Goros, në burg ndodhet edhe Fredi Beleri, kryebashkiaku i zgjedhur i Himarës, i dënuar me 2 vite burg për korrupsion në zgjedhje.
Revolta qytetare dëshmon se si himariotët refuzojnë t’u imponohet në krye të bashkisë përsëri një i zgjedhur nga qeveria Rama, në kushtet kur në zgjedhjet e fundit ata dëshmuan me votë se zgjodhën kandidatin e opozitës të koalicionit “Bashkë fitojmë”, Fredin Belerin.
