Katër persona janë arrestuar në Tiranë për vepra të ndryshme penale. Një 53 vjeçar është arrestuar për dhunë ndaj djalit të tij. Dy të rinj, 22 dhe 23 vjeç, u kapën pasi vodhën një pajisje pune industriale në kryeqytet.
Në pranga ka rënë gjithashtu edhe një 52 vjeçar pasi ka ushtruar dhunë ndaj nënës së tij dhe ka dëmtuar disa orendi në banesën e tyre.
“Specialistët për Hetimin e Krimeve të Komisariatit të Policisë Nr. 2 arrestuan shtetasin A. K., 53 vjeç, banues në Tiranë, pasi dyshohet se ka ushtruar dhunë ndaj djalit të tij.
Specialistët për Hetimin e Krimeve të Komisariatit të Policisë Nr. 4 ndaluan shtetasit F. B., 22 vjeç dhe G. Q., 23 vjeç, pasi në rrugën “Ferit Xhajko”, dyshohet se kanë vjedhur një pajisje pune industriale.
Gjithashtu, nga këta specialistë u arrestua shtetasi A. L., 52 vjeç, banues në Tiranë, pasi dyshohet se ka ushtruar dhunë ndaj nënës së tij dhe ka dëmtuar disa orendi, në banesën e tyre.”- njofton policia.
Materialet procedurale i kaluan Prokurorisë praë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
