Prokuroria e Posaçme ka përfunduar hetimet dhe u ka komunikar këtë të martë akuzat avokatëve të ish-zv.kryeministrit Arben Ahmetaj dhe dy biznesmenëve Klodian Zoto dhe Mirel Mërtiri në lidhje me aferën e inceneratorit, më konkretisht për për procedimin penal 277/1 për ish-numrit 2 të Qeverisë.
Ndaj Ahmetajt rëndon akuza e korrupsionit në 6 raste, pastrimit të parave dhe fshehjes së pasurisë, teksa ndaj Zotos dhe Mërtirit, ajo e korrupsionit dhe pastrimit të parave. Të tre ata vazhdojnë të jenë në arrati, teksa kanë dhënë edhe intervista për mediat, por jo dëshmi për SPAK-un.
Për të njëjtën dosje pritet që SPAK të marrë si të pandehur edhe persona të tjerë, teksa ka ndarë hetimet në një procedim tjetër.
Edhe pse janë të njëjtët personazhe të akuzuar për aferat e të tre inceneratorëve, ai i Fierit, Elbasanit dhe Tiranës, Prokuroria e Posaçme vazhdon ende t’i trajtojë çështjet të ndara.
Kujtojmë se Prokuroria e Posaçme akuzoi zyrtarisht biznesmenin Mirel Mërtiri për korrupsion dhe pastrim parash në lidhje me aferën e inceneratorit të Elbasanit më 15 nëntor 2022.
“Shtetasit Mirel Mërtiri, Stela Gugallja dhe Klodian Zoto, kanë konsumuar veprat penale të korrupsionit aktiv i funksionarëve të lartë shtetërorë” kryer në bashkëpunim dhe “pastrim i produkteve të veprës penale e kryer në rrethana cilësuese në bashkëpunim”, thuhej askohohe në aktakuzën e SPAK.
