Ka startuar në “Friends Arena” të Solna, Suedi-Shqipëri, ndeshja e dytë miqësore për muajin mars e kuqezinjve.
Vetëm katër ditë pas humbjes 0-3 përballë Kilit, skuadra e Silvinjos do të kërkojë që të dhurojë një tjetër imazh, pas një paraqitje që nuk ka lënë shumë mbresa si ajo me latino-amerikanët.
Në këtë sfidë, trajneri Sylvinho ndryshon vendosje taktike dhe e rreshton skuadrën me skemën 4-3-3. Sa i takon ndryshimeve në emra, braziliani propozon nga minuta e parë tre lojtarë që nga sfida e kaluar me Kilin e nisën nga stoli.
Bëhet fjalë për Armando Brojën që i ka marrë vendin Rey Manajt si dhe Qazim Laçin që nxjerr jashtë formacioni Taulant Seferin, si dhe Ivan Balliu që zëvendëson Elseid Hysajn.
Sa i takon pjesës tjetër, ajo nuk ndryshon me Strakoshën në portë, Hysajn, Mihajn, Gjimshitin dhe Mitajn në mbrojtje, Ramadani, Asllani në mesfushë si dhe Asani në sulm.
