Një shpërthim me lëndë eksplozive është regjistruar në orët e para të mëngjesit të kësaj të hëne në Shkodër.
Autoritetet policore raportojnë se shpërthimi me tritol është regjistruar tek porta e oborrit të banesës së shtetases F. S., 62 vjeçe. Mësohet se si pasojë janë shkaktuar vetëm dëme materiale.
Ngjarja ka ndodhur rreth orës 03:40, në lagjen “Tom Kola”, pranë Shkollës Pyjore. Në vendikn e ngjarjes kanë shkuar forcat e Policisë, të cilat vijojnë kontrollin në zonë.
Ndërkohë grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit.
