Elvis Hajdërlli është zgjedhur kreu i degës së Partisë Demokratike në Devoll.
Numërimi i votave ka përfunduar pak më parë, teksa sipas komisionit të zgjedhjeve për kreun e kësaj dege kanë votuar gjithsej 324 demokratë.
Nga numërimi i votave kanë rezultuar 312 vota për Elvis Hajdërllin dhe 105 vota për kandidatin tjetër Erandi Staro, ndërsa 7 vota kanë rezultuar të pavlefshme.
Kujtojmë se Elvis Hajdërlli kandidoi për kreun e Bashkisë së Devollit në zgjedhjet e kaluara lokale, nën siglën e koalicionit “Bashkë Fitojmë”, duke humbur përballë kandidatit socialist.
Më herët ka përfunduar numërimi i votave në degën e PD-së në Kukës, ku u zgjodh kryetar Gëzim Shehu, si dhe në degën e Bulqizës ku u zgjodh kryetar Shaqir Manjani.
