Një djalë i ri, 21 vjeç ka rënë nga tarraca e një ndërtese në pronësi të famijes së tij.
Sipas policisë së Lezhës, i riu Klajvert Çuni, nga fshati Torrovicë mund të jetë rrëzuar aksidentalisht, ndërsa është nisur menjëherë drejt Spitalit të Traumës në kryeqytet për të marrë ndihmën mjekësore të specializuar.
Lezhë/Informacion paraprak
Rreth orës 16:00, në spitalin rajonal të Lezhës, është dërguar për të marrë ndihmë mjekësore, shtetasi K. Ç., 21 vjeç, banues në Torovicë, i cili dyshohet se ka rënë aksidentalisht nga tarraca e biznesit në pronësi të familjarëve të tij.
21-vjeçari po transportohet në Spitalin e Traumës, Tiranë, për të marrë ndihmë të specializuar mjekësore, dhe aktualisht është në gjendje të rëndë shëndetësore.
Grupi hetimor vijon të punojë për sqarimin e rrethanave të rastit.
