Lideri i opozitës, Sali Berisha, ka reaguar me një postim në FB ku ka dënuar sulmin terrorist të ndodhur mbrëmjen e djeshme në periferi të Moskës, ku deri më tani numërohen mbi 133 viktima dhe qindra të plagosur.
Berisha shkruan se terroristë të armatosur rëndë kryen një masakër të madhe në sallën e një teatri në Moskë.
Kyredemokrati ka shprehur ngushëllimet e tij familjeve të viktimave dhe uron shërimin e shpejtë të të plagosurve.
Reagimi i plotë:
Një akt i rëndë terrorist në Moskë.
Të dashur miq, dje në darkë, terroristë të armatosur rëndë kryen një masakër të madhe në sallën e një teatri në Moskë. Ata ekzekutuan mbi 115 spektatorë dhe plagosën qindra të tjerë. Ky sulm barbar u mor përsipër nga terroristë të organizatës “Shteti Islamik”!
Duke dënuar me ashpërsi këtë akt barbarie ndaj civilëve, shpreh ngushëllimet e mia familjeve të viktimave dhe uroj shërimin e shpejtë të të plagosurve. #sb
