Superiorja ka luajtur 28 ndeshje deri më tani. Në këto javë Partizani ka arritur të grumbullojë 46 pikë dhe mban vendin e 3-të në tabelën e klasifikimit.
Kampionët aktualë janë larg formës së sezonit të kaluar, pasi kanë jo pak oshilacione këtë vit. Por pavarësisht kësaj, te të kuqtë ka kampionë brenda ekipit kampionë.
Gjelbrim Taipi është një nga lojtarët më të palodhur te “Demat” ish-mesfushori i Kukësit ka mundur të luajë të gjitha ndeshjet me kryeqytetasit në Superiore duke marrë kështu më shumë minuta se të gjithë lojtarët e tjerë.
Fatmirësisht për të nuk ka pasur dëmtime dhe mungesa për shkak kartonësh, duke bërë që për stafin e të kuqve të kthehet në një “xhol”. Shpesh herë për shkak të mungesave që kanë pasur në këtë sezon, Taipi ka mundur të luajë në disa pozicione, duke ndihmuar kështu Partizanin aty ku ka nevojë.
