Shteti Islamik (ISIS) ka marrë përgjegjësinë e plotë për sulmin terrorist në Moskë të premten, ka raportuar “Reuters”.
ISIS ka bërë njoftimin në kanalin e vet në Telegram duke thene se sulmuesit kanë ikur pa u kapur nga Policia ruse.
“Luftëtarët e Shtetit Islamik kanë sulmuar një grumbull të madh të krishterëve në Krasnogorsk jashtë kryeqytetit rus, duke vrarë dhe plagosur qindra dhe duke shkaktuar dëme të mëdha aty përpara se të tërhiqeshin në bazat e tyre të sigurt”, thuhet në njoftimin e ISIS-it.
Kujtojmë se sulmi terrorist u regjistrua këtë të premte në një sallë koncertesh dhe në një qendër tregtare që ndodhen pranë njëra-tjetrës në periferi të Moskës në Rusi.
Mediat ndërkombëtare raportuan se kanë qenë tre persona të armatosur rëndë dhe të veshur me veshje luftarake që hapën zjarr ndaj popullsisë civile dhe shkaktuan 2 shpërthime me granata.Nga të shtënat masive, raportohet që të jenë vrarë të paktën 40 persona dhe janë plagosur mbi 100 të tjerë, teksa numri i viktimave shtohet me kalimin e minutave
Ngjarja ndodhi në sallën Crocus City në Krasnogorsk. Qindra njerëz ishin mbledhur në sallë për të parë një koncert të grupit muzikor “Picnic”. Godina ka shpërthyer në flakë pas sulmit, teksa ende nuk dihen motivet.
And there it is, IS claims the attack in Russia. I’m sure we’ll get an even longer statement with more details soon based on past precedent of how IS central media works. pic.twitter.com/NPAyxuhCZw
— Aaron Y. Zelin (@azelin) March 22, 2024
