Një ngjarje e rëndë raportohet të ketë ndodhur në Janinë, Greqi, ku u gjet trupi i pajetë i një burri.
Protothema shkruan se autorët nuk e kanë kryer vrasjen në vend, por e kanë zhvendosur trupin e viktimës në vendin ku u gjet mëngjesin e sotëm.
Trupi i pajetë kishte një palë pranga të lidhura në dorën e majtë dhe një armë të lidhur në dorën tjetër.
Nuk dihet nëse arma e gjetur është përdorur për të vrarë këtë person.
Burri u gjet i mbështjellë me thasë plehrash rreth kokës dhe këmbëve, ndërsa pjesa tjetër e trupit ishte e ekspozuar.
Në vendngjarje pritet të mbërrijë eksperti mjekësor në mënyrë që të fillojë procesi i identifikimit.
Vlen të theksohet se asnjë zhdukje nuk ishte raportuar në zonë dhe autoritetet po ekzaminojnë kamerat në rrugën për në zonën e Frontzu.
