Ish-deputeti Lefter Maliqi, ka njoftuar këtë të enjte se Kontrolli i Lartë i Shtetit ka zbarkuar në Bashkinë e Kuçovës.
Përmes një postimi në rrjete sociale Maliqi shkruan se KLSH do të ushtrojë kontrolle në bashkinë që sipas tij është e mbushur me shkelje, abuzime dhe skandale të panumërta.
Më tej Maliqi i ka bërë thirrje kryebashkiakut socialist Kreshnik Hajdari, se nuk i mbulon dot abuzimet me tenderat korruptivë, teksa ka listuar edhe disa prej tyre.
“Fut miq sa të duash por nuk i mbulon dot abuzimet me tenderat korruptivë, me taksat dhe votat e qytetarëve, që nga tenderi i Sinecit Miliarda Lekë, tenderi për strehimin qenëve endacakë, ai i pastrimit, i rrylit, i varrezave, i druve, i karburantit, i çakullit dhe mirëmbajtjes së rrugëve, i sportit, i krimit elektoral, i “Rrugës së Frashërit”, i asfaltit mbi asfalt në Tapi, i “Rrugës së Gorajt” dhe dhjetrave të tjerë”,- shkuan Maliqi ndër të tjera.
Reagimi i plotë:
“Kontrolli i Lartë i Shtetit”, zbarkon në Bashkinë Kuçovë, të grabitur më “14 Maj”, ku tenderat, abuzimet, shkeljet janë të shumta, skandalet të panumërta nga një “grup i strukturuar kriminal”.
I dënuari Hajdari, ‘pengu’ i ish fatorinos Salillari, është me leje, se po kryen dënimin qesharak me 150 orë pune të detyruar?? Hajdari i la lekët nëpër Gjykata, KQZ, KAS, “Kolegj Zgjedhor”, avokat, “Gjykatë të Posaçme Kundër Krimit të Organizuar” etj.
Megjithëse nuk i mbarojnë, pasi ka zëra, që i çojnë larg Kuçovës, jemi në prag të zbulimit!
Hajdar! Thuaji ‘shefit tënd’, ish fatorinos Salillari, të përdorë potencialin ekonomik e politik bashkë me ty dhe ndërhyni tek audituesit e “Kontrollit të Lartë të Shtetit”, që të kanë ardhur për kontroll në Bashki.
Hajdar! Fut miq sa të duash por nuk i mbulon dot abuzimet me tenderat korruptivë, me taksat dhe votat e qytetarëve, që nga tenderi i Sinecit Miliarda Lekë, tenderi për strehimin qenëve endacakë, ai i pastrimit, i rrylit, i varrezave, i druve, i karburantit, i çakullit dhe mirëmbajtjes së rrugëve, i sportit, i krimit elektoral, i “Rrugës së Frashërit”, i asfaltit mbi asfalt në Tapi, i “Rrugës së Gorajt” dhe dhjetrave të tjerë!
Burgu është pak për ty!
Duhet të kthesh me “Vendim Gjykate” pasuritë në Kesh dhe në Bashki, kudo që mund t’i kesh fshehur, tek familjarët e tu besoj!
Nëse sheh “BigBrotherin”, shikoje mirë edhe fundin!
Shihemi javës që vjen në “SPAK”!
