Mjeku i Qendrës Shëndetësore Tapizë, Ismail Kozi, ka folur mbi ngjarjen e rëndë që u raportua një ditë më parë, ku një 42-vjeçare vrau foshnjën duke e hedhur në lumë.
Në një prononcim për Report Tv, mjeku thotë se nuk kanë pasur dijeni për shtatzëninë e 42-vjeçares, pasi ajo nuk është paraqitur kurrë në për vizitë në Qendrën Shëndetësore. Ai e përshkruan 42-vjeçaren si nënë të përkushtuar të 5 fëmijëve.
“Për rastin në fjalë jemi njohur nga mediat. Ne e njohim si familje shumë e mirë, nënë e përkushtuar, është nënë e 5 fëmijëve. Për pjesën e shtatzënisë s’kemi fare dijeni, nuk janë paraqit fare. I gjithë lajmi është marrë vesh nga mediat”, thotë mjeku.
Ndërkohë, 42-vjeçarja, Leta Koçi, aktualisht ndodhet në masë arresti në një spital në Tiranë. Nëna e 3 vajzave dhe 2 djemve ku më i madhi 20-vjeç, ka dëshmuar momentet e para për efektivët se ka pretenduar se foshnja kishte lindur e pa jetë.
